Mu muyuki wende muenza ne bakamona kamba ba munda mua province wa Kasaï mu dituku dia ditanu dia matuku dikumi ne muanda mukulu tshidimu tshia binunu bibidi makumi abidi ne tshitanu Jacob kamuleta matabishi Matamba mfumu mulombodi wa groupement wa bena nshimba udi ujadika ne musoko wende kawutu muanji kupeta dikuatshisha mu mianda mishileshilangane ne Ku bulongolodi bua munda mua ditunga nansha bua munda mua province .
Buende yeye groupement wa bena nshimba mupua moyo kudi balombodi ba province wa Kasaï bualu mianda yonso itu ilua munda mua province ne bua kulongolola misoko nansha kuyibaka , mianda eyi kayitu mianji kuenzeka mu wende groupement nansha, kadi idi yenzeka mu ma groupements makuabo.
Mfumu Jacob kamuleta udi uleja se, mu groupement wende mupange bilongelu bimpe bia bana , nansha nzubu wa londapu ne mudi lubuwa lunene ludi lufuana kujimija groupement ewu munda mua ditunga dia Congo wa mungalata.
Kupitshila ku ntatu yonso idi imueneka mu groupement wa bena nshimba, Jacob kamuleta udi ulomba diambuluisha kudi bukalenge bua munda mua province wa Kasaï bua bubambuluishe ne bikasu ne bibombi bua bamone mushindu wa kuimanyika ditungunuka dia lubuwa ludi kuina eku.
Tunuvuluije se, groupement wa bena nshimba udi usanganyibua mu mukaba wa buloba wa Dibumba wakumpala mu tshimenga tshia Tshikapa mpuilamambu wa province wa Kasaï.
Prince Tshitende kamona kamba
Enregistrer un commentaire