RDC/ESU: Mukulumpe wa dibala Clément Muya Muboyayi mupeta nsala wa lumu mu mianda ya dimanyina manema aa misulu ya mayi ya munda mua ditunga dia Congo .

 

Kunyima kua muya kuleja mamanya ende mu mudimu wa dikebulula mushindu wa kuimanyina maneme aa misulu ya ditunga dia Congo wa mungalata mu tshilongelu tshitumbuke tshia mamanya aa dikebulula mushindu wa kuimanyina mianda mishileshilangane , mukulumpe wa dibala Clément Muya Muboyayi, muya kupeta nsala wa lumu mu dituku dia dinayi dia matuku dikumi ne muanda mutekete ngondo wa kashipu mpumpu tshidimu tshia binunu bibidi makumi abidi ne tshitanu.

Bilondeshele kasumbu kende kakobodi ka ngumu kadi kaya kutujadikila lumu elu, mukulumpe wa dibala Clément Muya Muboyayi wakadi muenze mianda ya tshileya mudileja dia mamanya ende ne diandamuna dia imue nkonko kumpala kua bantu mpitu ne mpitu ne bamanyi batumbuke ba malonga aa tufulu tua masanga.

Clément Muya Muboyayi wakadi muya kuleja mushinga mutambe bunene wa dimanya bitentame ne dikuba dia mabanji aa misulu ya mayi mu luidi lua dibenge kumueneka dia mabanji aa mu buloba bujime .

Nsala wa lumu ewu mupeta kudi mukulumpe wa dibala Clément Muya Muboyayi udi uya kumukolesha mu mikolo bua mvita yende ya dikebulula buapuangane , ditalala ne dikubibua dia ditunga dia Congo wa mungalata.

Prince Tshitende kamona kamba